وديع: تهامي باشا، عم الثورجيه كلهم...
تهامي: قصر يا وديع ورايا إعتصام
وديع: عندي لسيادتك فكره فيلم، عشره علي عشره
تهامي: فكرة ايه يا وديع؟
وديع: لحظه واحده يا باشا، تعالي ياااض منك له
تهامي: مين الألاديش دول؟ ومين أبو دقن ده يا وديع؟
وديع: ثانيه واحده بس يا باشا، أنا هارسيك علي الفوله، ده حسن وده مرقص وأبو دقن ده يبقي أبو مصعب
تهامي: مين أبو مصعب ده يا وديع؟ ومن امتي واحنا بنطلع ناس بدقون؟ حسن ومرقص؟ أمال فين كوهين يا وديع؟
وديع: ماهو كوهين هو اللي كاتب السيناريو يا باشا....آآآآه
تهامي: وازاي نعمل فيلم من غير مزز يا وديع؟
وديع: المزه موجوده يا تهامي باشا واسمها عبير
تهامي: أمال هيه فين؟ ماجاتش ليه يا وديع؟
وديع: لأنها محبوسه يا باشا؟
تهامي: محبوسه فين يا وديع؟
وديع: ماهو أنا هافهمك يا باشا، بص... ينزل التيتر بموسيقي حزايني، مرقص مطلع عين عبير، هيه بقي عايزه تديله صابونه، واخد بالك معايا يا باشا، يقوم يظهرلها الواد حسن، تحبه ويهربوا سوا، وبعدين الفيلم يتعقد يقوموا يخطفوا عبير ويحبسوها، حسن بقي هايروح جري لأبو مصعب علي القهوه يستنجد بيه، ابومصعب ومعاه الوحش اللي هناك ده (الأسطوووره) هايروحوا ينقذوا عبير، وضرب بقي ورصاص وتولع وأحلي ساسبينس يا باشا، هااه؟ ايه رأيك
تهامي: إتفو ... ايه الهطل ده يا وديع؟ ده فيلم حمضان، هوه كوهين مستواه نزل كده ليه؟
وديع: ليه بس يا باشا؟
تهامي: هايصالحوا بعض تاني يا وديع، وكل ما هاتولع فيه ناس هايطفوها، شكلك عاوز تعمل فيلم فيه فتنه طائفيه ودم للركب يا وديع، خد، صور ده (يلقي أمامه بسيناريو جديد)
وديع: (يقرأ العنوان) "ماسبيرو وطلب الحمايه" (ينظر الي تهامي بفخر) أستااااااااااااااااذ
تهامي: وقول لكوهين لازم ييجي هنا بنفسه علشان يشرف علي الفيلم ده يا وديع
في السنه اللي طفينا فيها حريقة إمبابه، صورنا فيلم "ماسبيرو" ..... قناة فتنه أفلام...أفلام خسيسه............أم الشرف
عزيزى بابا ضياء
ردحذفاحب اقولك ان تهامى باشا لسة مااستقرش على نص واضح ان قدامة اكتر من نص الفتنة فى امبابة واطفيح البلطجية فى كل مكان السولار والعيشة الضنك فزاعة السلفين بعد ما قدمت فزاعة الاخوان وما بقتش محظورة وكلة معتصم وانسان غلبان طالطع من الشغل تعبان وكلة فوق بعضة
المهم ان تهامى داخل على انتاج ضخم عمل مشترك خبطة العمر يا معلم اللى بعديها هايقب على وش الدنيا
الحل الوحيد ان مرتضى يطلع السى دىبتاعة تهامى باشا ويقدمها للكسب غير المشروع قبل الفاس فى الراس ماتوقع